தமிழ்நாடு நலவாரியத்தின் மூலம் வழங்கபடும் ரூ2400 வரை கல்வி உதவித்தொகை 10ஆம் வகுப்பு பயிலும் உங்களுடைய பெண் குழந்தைகளுக்கு விண்ணப்பிக்கலாம்.அந்த விண்ணப்ப படிவத்தை எப்படி நிரப்புவது என இப்பதிவில் காணலாம்.

யார் விண்ணப்பிக்கலாம்?

• நலவாரிய அட்டை தொழிலாளர்கள்
• அந்த தொழிலாளர்களின் 10ஆம் வகுப்பு பயிலும் பெண் குழந்தைகளுக்கு மட்டும்.

தேவையான ஆவணங்கள்:

• உறுப்பினரின் ஆதார் கார்டு
• பேங்க் புக்
• நலவாரிய அட்டை
• குழந்தையின் ஆதார் கார்டு
• குழந்தையின் நடப்பு கல்வி சான்றிதழ்

நலவாரிய மைய வாரியத்தின் கீழ் 10ஆம் வகுப்பு பயிலும் பெண் பிள்ளைகளுக்கு அரசு வழங்கும் நலத்திட்ட உதவிகள் :

• கட்டுமான தொழிலாளர் வாரியம்-ரூ2400
• கார்,ஆட்டோ டிரைவர் வாரியம் -ரூ1000
• இதர வாரியம்-ரூ 1000

எவ்வாறு விண்ணப்பிப்பது?

10ஆம் வகுப்பு கல்வி உதவி தொகையினை விண்ணப்பிபதற்கான விண்ணப்ப படிவம் கீழே உள்ள 10th Girls Cliam Form என்ற லிங்க் இல் உள்ளது.

விண்ணப்பிக்கப்படும் கல்வி உதவிதொகையின் பெயர் – 10ஆம் வகுப்பு பயில என எழுதவும்.

உறுப்பினராக பதிவு செய்துள்ள வாரியத்தின் பெயர் – உறுப்பினர் அட்டையில் எந்த வாரியத்தின் பெயர் இருக்கோ,அந்த வாரியத்தின் பெயரை எழுத வேண்டும்.

உறுப்பினரின் பெயர் – நலவாரிய அட்டை உறுப்பினரின் பெயரை எழுத வேண்டும்.

தந்தை அல்லது கணவர் பெயர் – அட்டை வைத்திருப்போர் ஆணாக இருந்தால் அவர்களுடைய தந்தை பெயரை குறிப்பிட வேண்டும்.இதுவே பெண்ணாக இருந்தால் அவர்களுடைய கணவர் பெயரை குறிப்பிட வேண்டும்.

முழு முகவரி – உறுப்பினர் அட்டையில் இருக்கும் முகவரியை எழுத வேண்டும்.

பதிவு எண்/நாள் – உறுப்பினர் அட்டையில் உள்ள பதிவு எண் மற்றும் பதிவு செய்ய பட்ட நாளை குறிப்பிட வேண்டும்.

குடும்ப அட்டை எண் – நடப்பில் உள்ள Smart card இல் உள்ள 333 எனத் தொடங்கும் நம்பர் ஐ எழுத வேண்டும்.

ஆதார் எண் – நலவாரிய அட்டையின் உறுப்பினருடைய ஆதார் எண்ணை எழுத வேண்டும்.

தொழிலின் தன்மை – மேலே வாரியத்தின் பெயரில் குறிப்பிட்டுள்ள தொழிலுக்கு சார்ந்த தொழிலை எழுதவேண்டும்.உதாரணத்துக்கு (கட்டுமான தொழில் குறிப்பிட்டால் கொத்தனார்,தச்சு தொழில்…. என குறிப்பிட வேண்டும்.)

கல்வி உதவி தொகை யாருக்காக கேட்கபடுகிறது மகன்/மகள் – பெண் குழந்தைக்காக விண்ணப்பிப்பதால் மகன் ஐ அடித்து விட்டு பெண் பிள்ளையின் பெயரை எழுதவும்.

தேர்ச்சி பெற்ற /பயிலும் வகுப்பு /பயிலும் வருடம் – பயிலும் வகுப்பை டிக் செய்துவிட்டு விண்ணப்பத்தில் 10ஆம் வகுப்பு என குறிப்பிட வேண்டும்.அடுத்து பயிலும் வருடத்திற்கு கீழ் நடப்பு கல்வி ஆண்டை குறிப்பிட வேண்டும்.

பதிவு பெற்ற உறுப்பினரின் கையொப்பம் -.நலவாரிய அட்டையில் கையெழுத்து போடப்பட்டிருந்தால் உறுப்பினர் கையெழுத்து போட வேண்டும் இல்லை அட்டையில் கை ரேகை வைக்க பட்டிருந்தால் கைரேகை வைக்க வேண்டும்.

இடம் மற்றும் நாள் – விண்ணப்பம் பதிவு செய்யப்படும் இடம் மற்றும் அன்றைய தேதியை குறிப்பிட வேண்டும்.

தொழிற்சங்கத்தினுடைய கையொப்பம் மற்றும் முத்திரை(Seal) ஐ அருகிலுள்ள நலவாரிய மையத்திற்கு சென்று கண்டிப்பாக பெற்று கொள்ளவும்.

விண்ணப்பத்தை நிரப்பும்போது கவனிக்க வேண்டியவை:

• அடித்தல் திருத்தல் இல்லாமல் எழுத வேண்டும்.
• தமிழில் மட்டுமே எழுத வேண்டும்.ஆங்கிலத்தில் எழுத கூடாது.
• நீல நிற பேனாவை வைத்து மட்டுமே எழுத வேண்டும்.

10th Girls Claim Form

தொடர்புக்கு :

மேலும் தகவல் பற்றி அறிய அல்லது நல வாரிய சேவை மையம் தொடங்க விருப்பம் இருந்தால் 6380866455 என்ற வாட்ஸ் அப் எண்ணிற்கு உங்களுடைய பெயர்,மாவட்டம்,தாலுகா,ஊர் விவரங்களை அனுப்பவும்.